今年嘅蘋果WWDC 2020（Worldwide Developers Conference）因為受到疫情影響所以將公怖改為預錄形式喺線上播出，一如預期為旗下操作系統帶來更新，包括 iOS 14、iPadOS 14 同針對 iPhone、iPad 加入新嘅設計同功能！ 首先iOS方面，並無好似之前傳聞咁改名成 iPhone OS，而推出嘅新版本就是 iOS 14。 iOS 14其中一個亮點就喺重新設計主畫面，重新設計嘅 Widget 提供嘅資訊更為豐富，例如會依個人習慣黎將 App 排列。 而且仲有新加入嘅 App Library 會將不同特性嘅 App 自動分類收納並顯示在主畫面嘅最後一頁，咁就可以更加方便用家使用變得超整齊！ 另外來電顯示、FaceTime、 Siri 等都唔洗再佔用整個螢幕，而係喺畫面嘅上方或者下面顯示，而且當你 FaceTime 緊或者睇緊片嘅時候，就可以透過子母畫面嘅形式縮小影像成子畫面，同一時間睇片同做其他野都得，相信大家都等咗依個功能好耐啦！ 仲有地圖功能大升級，如果有踩開單車嘅用戶，例如喺送外賣嘅用家平日用地圖都好

發唔發覺自己成日討論完某啲話題，隨即就會有關連嘅廣告出現？大家除咗用上次教大家Google 嘅刪除自動儲存功能之外，今日就再教下大家一個超簡單嘅防止手機比人偷聽嘅方法！ 只要去到「設定」入邊嘅「Siri 與搜尋」，將「喂 Siri」嘅功能關掉就可以避免 Apple 將你講嘅嘢記低！除此之外，Facebook嘅設定都十分重要，同樣都係去到「設定」搵 Facebook 一欄出嚟，將「咪高風」功能關掉！咁樣就可以避免出現關連嘅廣告啦！今次教咗大家點用 ios去防止你嘅電話比人偷聽，Andriod 用家可以試下用類似方法去研究下！希望大家亦都分享比身邊嘅朋友，教識佢哋點樣保護自己嘅私隱！ #個人私隱 #網絡安全 #FaceBook #Apple ====================== 資料來源：Apple ====================== 編：wingtung

iPhone 12 預計今年會推出，相信大家係四方八面都有聽過佢嘅曝光消息，相信支援5G 同四鏡頭都不意外，仲有消息指會唔再連機提供耳筒，相信喺想吸引大家買 AirPods啦。除咗以上呢啲爆料之外，近日我其中一個設計師#MauroBattino聯合#ConceptsiPhone公布咗一條有關 iPhone 12 嘅概念影片，包括將機頂嘅瀏海縮小、120Hz ProMotion顯示屏同 A14處理器等等。成條影片最令到果迷興奮嘅就喺表示會推出全新嘅配色，除咗黑色白色呢啲基本顏色之外，更加有機會踢走「夜幕綠」，「海軍藍」全新配色登場！雖然未有官方消息公布，唔知大家又鍾唔鍾意呢？ #Apple #iPhone12 #蘋果更新 ====================== 資料來源：ConceptsiPhone https://www.youtube.com/watch?v=lvLsRPBl8R4 ====================== 編：wingtung

相信大家平時搵路都用 Google Map 貪佢有埋預測時間，不過 Apple Map 有大更新大家又多個選擇啦！只要你喺搜尋一欄搵你所在嘅地鐵站或者巴士站，甚至喺目的地，咁就可以即刻顯示出交通工具到達嘅時間，仲可以好清晰咁睇到路線，無論係地鐵、渡輪、新巴、城巴定九巴，大家就唔使再 Download 幾個Apps嚟睇唔同嘅到達時間，真喺懶人必備～ 即使我哋遲啲去旅行嘅時候，近近地去台灣、日本都可以好方便咁睇到路線，Plan行程都超方便！ #Apple #AppleMap #蘋果更新 #MTR #KMB #CityBus #NewBus ====================== 資料來源：Apple Map ====================== 編：wingtung

iOS 13.5 經過GM 測試之後，終於正式推出咗啦！而今次嘅系統嘅重點更新大部份都同疫情有關，例如由 Apple 同Google 合作開發嘅「 COVID-19 暴露記錄」（公眾健康資訊通報系統），用家可以接收到疫情嘅資訊同埋病毒接觸史追蹤技術。但因為香港暫時冇同 Apple 合作，所以暫時只有美國嘅用家可以用到呢個功能啦。 另外一個重點更新就係簡化 Face ID 嘅解鎖程序，因為而家個個都要長時間戴口罩，令用Face ID 解鎖嘅用家要浪費幾秒去進行一定失敗嘅面部解鎖先可以再入密碼。而家更新咗iOS 13.5 之後，只要從螢幕底部向上滑，一旦偵測到戴咗口罩嘅時候就會立即進入輸入密碼解鎖嘅畫面，真喺順暢咗方便咗好多！ 因為 Apple 即將喺6月就會推出新一代嘅iOS 14，所以今次好有可能係iOS 13系統嘅最後一次嘅更新，唔知大家覺得新登場嘅功能又好唔好用呢？最後最後提提大家，喺更新之前記得做好Backup 備份呀！ #Apple #AppleiOS #蘋果更新 #FaceID #iOS13.5 ====================