• wwwingtung

【安全設定指南】手機 VPN 性價比大比拼! 免費嘅野係最貴?

平時我哋煲劇、去旅行,甚至喺上網購物嘅時候都可能會遇過顯示不支援此地區嘅情況,令到有某啲網站唔能夠瀏覽真喺十分之沮喪!而 VPN 嘅功能除咗可以隱藏你真實嘅 IP,最近亦有好多朋友仔建議大家用 VPN 就可以保護番個人網絡私隱,但喺 VPN 嘅公司林林總總,有免費亦都有收費嘅,等我哋一齊分析下唔同嘅 VPN 嘅功能啦!


今次我地就搵咗其中5款熱門嘅收費 VPN 程式作出比較,包括 NordVPN、Surfshark、Tunnelbear、Mullvad 同埋 Perfect Privacy!相信大家都有聽過 Nord VPN 因為佢地真喺課足金去賣廣告,都有唔少 Youtuber 推薦架!而且佢地依家接受香港記者朋友嘅免費申請,大家可以去率先免費登記體驗下~不過有網民表示 NordVPN 嘅網速比較慢如果用嚟打機嘅話就要再諗吓啦,而且公司亦承認伺服器有安全漏洞。雖然 NordVPN 依家限時優惠可以以每月 US$3.49 嘅價錢購買三年嘅 Plan,而佢嘅知名度比其他公司比較高,對用家有一定嘅保障,不過要綁三年約就有啲卻步啦!


另一個都算新嘅 VPN公司就喺 Surfshark ,Surfshark 本身喺BVI離岸公司,雖然佢嘅背景資料唔喺太詳盡,不過佢勝在有 Double VPN 功能,喺連線嘅時候先連到其他國家,可以減低被追縱到嘅機會。如果大家唔想好似 NordVPN 咁要被綁三年約咁就可以考慮吓 Surfshark 無論係一年定兩年嘅方案都喺比 Nord 平㗎。佢仲推出左一個香港人嘅優惠 Code 仲會送多三個月俾你,我就覺得呢個方案好似比較適合大家啦,可以話喺性價比超高!


啱啱提及嘅兩間公司都比較出名同埋多人用,所以都好大機會會出現上網慢同埋突然被 Ban 嘅情況,而 Tunnelbear 就喺另一個可以值得信賴嘅選擇啦!因為佢哋每年都有搵獨立嘅公司安排做安全審核,所以佢哋嘅聲譽同評價都十分之良好,可以真真正正咁保障到用家嘅私隱。佢哋而家仲有 500MB 嘅免費使用,有興趣嘅不妨到佢哋嘅網站申請免費試用啦!


Mullvad 喺其中一個評價較高嘅 VPN,佢地嘅 Apps 好 User-friendly 非常之簡單易用而且網速都十分之快。Mullvad 嘅可取之處包括有DNS洩漏保護功能,加上幫你喺你嘅系統上邊自動清除Cookies。但佢哋其中一個缺點就係只係提供每個月5 歐元嘅方案,就無其他嘅優惠,不過如果大家想試吓亦都可以訂一個月比較下唔同嘅 VPN 咁先知道邊一個係最啱自己嘅!


最後一個想介紹嘅重量級 VPN 公司就喺 Perfect Privacy,佢哋嘅價錢真喺數一數二嘅最貴,所謂一分錢一分貨,因為佢哋嘅加密程度達到軍用級嘅AES 256位加密,而且支持 OpenVPN、IPSec、SSH2隧道、Squid代理、SOCKS5代理同埋 PPTP。如果你相當注重個人網絡私隱同安全,我相信 Perfect Privacy 就喺你嘅不二之選!


最後我就唔建議大家使用免費嘅 VPN 啦,免費嘅唔單只未必可以保護到你嘅個人私隱,依啲來歷不明嘅 VPN 反而會將用家嘅個人資料或者上網行為賣比其他不良嘅公司。所以用之前記得要做好資料蒐集,唔好輕易相信一啲可疑或者無正規公司開發嘅 VPN 軟件呀!



#VPN #個人私隱 #網絡安全 #NordVPN #Surfshark #TunnelBear #Mullvad #PerfectPrivacy

======================

資料來源: Nord VPN, Surfshark, TunnelBear, Mullvad, Perfect Privacy

======================

編:wingtung

260 次瀏覽0 則留言

© 2019 by SODA.HK. Proudly created with Wix.com