• wwwingtung

【蘋果更新】不再狼來了 八達通正式登陸iOS!

千呼萬喚 Apple Pay 八達通終於更新,相信大家由上年年中等到依家,終於可以喺 Apple Pay 上面使用八達通啦!


首先喺設定入面嘅 Wallet & Apple Pay,喺「付款卡」一欄按「加卡」,然後選擇交通卡嘅八達通,你可以選擇申請一張新嘅八達通不過要比$50按金,又或者喺選擇「從現有的卡轉移」只需輸入你嘅八達通號碼最後五個數字再禁下一步,再將你嘅八達通卡放喺手機鏡頭嘅位置確認你嘅登記開始轉移,成個過程唔會超過兩分鐘,咁就可以輕鬆將你嘅八達通加入你嘅手機到啦!


不過,大家要留意番暫時只係接受成人同埋長者咭,學生八達通就暫時做唔到啦,而且確定加卡到 Apple Pay 之後,你嘅八達通實體卡一經轉移即時作廢,亦唔可以反向轉移!你就會問用嘅時候駛唔駛用face ID解鎖?記得係登記完成之後,去返Apple Pay嘅setting果一頁,選擇交通卡「特快交通卡」揀返你自己張八達通,就唔駛用Face ID、Touch ID或者密碼驗證,亦都唔需要預先解鎖㗎!而增值方面,除咗唔可以用插咭形式嘅增值機之外,以往嘅增值方法都可以繼續用,同時亦都可以用返你Apple Pay入邊嘅信用卡增值,一路增值一路賺信用卡積分,而且完全唔駛俾手續費,真喺超方便!



#iPhone #AppleWatch #ApplePay #iOS #八達通

======================

資料來源:八達通卡有限公司

======================

編:wingtung

7 次瀏覽0 則留言